logo
提供專業網上推廣服務,包括 SEO 搜尋引擎優化、SEM 關鍵字廣告、PPC 點擊付費廣告、社交媒體推廣、電子商貿顧問服務、數碼分析及網站設計等。免費網絡推廣諮詢,立即聯絡我們。

SEO 搜尋引擎優化

SEM|PPC 搜尋|點擊付費廣告

社交媒體推廣

電子商貿服務

網站設計

立即聯絡我們
免費網上推廣諮詢,包括:SEO、SEM、PPC、社交媒體、電子商貿及網站設計等。

+852 5743 0073

香港銅鑼灣怡和街28號恆生銅鑼灣大廈12樓A-B室

星期一至六 09:00 - 18:00

兩個吸引潛在客戶方案 拍片及講座分享

兩個吸引潛在客戶方案 拍片及講座分享

喺網絡時代,要sell嘢話難唔難、話易唔易。易在免費或者成本低,難在唔好太hard sell,但又可以擊中你嘅目標客群,令佢哋受落。登山達人創辦人John話旅行社係賣service,點樣令人哋容易啲記住你,最好嘅方法就係拍片,「我哋會定時拍片放上網當做宣傳,有時係拍攝一啲登山情況,有時就會介紹登山用品。我哋啲短片,唔係一啲好大卡士、好高級嘅製作,可能係一啲documentary式記錄片,講下登山行程裡面發生啲咩事、攻頂嗰日情況係點。幾分鐘嘅短片,畀啲觀眾同上網嘅人,容易了解到我哋係一間登山旅行社,推出有唔同挑戰度嘅登山團。」

除咗打入網絡世界,由online去offline都係關鍵,畢竟想報團登山嘅人,都想有機會親身接觸到一啲登山專家或者有經驗人士,了解多啲實際情況。所以John會定期舉行分享會,邀請一啲參加過佢哋登山團嘅朋友嚟做嘉賓分享,佢亦同時有機會可以搵到一啲潛在嘅新顧客。

初創攻略:

「得網絡,得天下」並唔係電視劇嘅妄語。如果你喺網絡世界有號召力,就得咗一半天下。咁另一半呢?就係點樣將online power變做錢。喺John嘅情況嚟講,佢帶隊登山之餘,仲會拍一啲關於登山嘅短片吸引目標客群,再舉行「實體」分享會,將喺網絡吸引到嘅潛在客戶帶到眼前,更容易進一步推廣品牌同登山旅行團項目。John嘅宣傳手法唔hard sell,比較重視參加者嘅感受和成功體驗。雖然創業5年後,呢盤生意先至進入直路,開始有穩定收入,但John相信只要唔放棄,就能夠為品牌建立可持續發展嘅空間,由興趣和專長變成事業,呢個創業夢一定可以達至雙贏!

John會定期喺登山達人Facebook專頁上載短片,內容同登山知識有關,既可吸引新客戶又可hold住舊客。

除咗拍片放上網,亦會搞分享會畀公眾參加,分享登山情況,或者慶祝團友成功登頂,同時有機會搵到一啲潛在嘅新顧客。

網上搜尋:#登山達人 #曾志成 #拍片 #分享會 #目標客群

受訪者簡介:

曾志成John,登山達人旅遊有限公司創辦人
世界級登山專家,2012年已完成攀登世界七大洲最高峰,亦係唯一成功3次登上珠峰嘅香港人。2014年因為興趣及對行業發展充滿信心,由企業培訓人員變身境外登山旅行社創辦人,帶領遊歷旅遊走向專業,提供挑戰世界高峰嘅旅行團,吸引勇於挑戰自己、追求極端地理風光嘅登山者。以良好風險管理、登頂率高為招徠,更成功帶著團友登上全球最高峰。

Share
No Comments

Post a Comment