logo
提供專業網上推廣服務,包括 SEO 搜尋引擎優化、SEM 關鍵字廣告、PPC 點擊付費廣告、社交媒體推廣、電子商貿顧問服務、數碼分析及網站設計等。免費網絡推廣諮詢,立即聯絡我們。

SEO 搜尋引擎優化

SEM|PPC 搜尋|點擊付費廣告

社交媒體推廣

電子商貿服務

網站設計

立即聯絡我們
免費網上推廣諮詢,包括:SEO、SEM、PPC、社交媒體、電子商貿及網站設計等。

+852 5743 0073

香港銅鑼灣怡和街28號恆生銅鑼灣大廈12樓A-B室

星期一至六 09:00 - 18:00

搞Online Campaign慳到錢 重點係要有Gimmick

搞Online Campaign慳到錢 重點係要有Gimmick

Start PR共同創辦人Eiswein之前喺大型公關公司做嘢嘅時候,曾經收到一個客人嘅電話,「佢話自己得5萬蚊budget,問我哋可唔可以幫手搞一個活動,最後公司冇接到呢單生意。講真,如果冇10萬蚊,真係好難去搵傳統嘅公關公司做嘢。」不過如果你搵嘅係Eiswein同埋Vanesse嘅PR公司,你就可以用低啲嘅價錢去做到event。

Start PR共同創辦人Vanesse話最緊要係令到客人認清目標,「你要做一個好靚嘅活動?定係個活動需要畀人影到相、放上網就okay呢?傳統公關公司會做到100%好靚,但對於中小企嚟講就未必咁啱用。如果你係要畀人影到相放上網嘅話,你個背景其實見唔到咁多細節位,其實唔使做到咁靚,咁就可以慳返啲錢。」除咗喺活動設計上要以目標為本,減少不必要嘅開支之外,Eiswein仲會建議冇乜budget嘅客人喺online搞活動,起碼可以慳返場地租金。

Eiswein話:「我哋之前幫一間交友公司設計咗一個叫做『告白速遞』嘅活動,藉住4月1日幫啲唔敢示愛嘅人去示愛。傳統公關公司可能會喺商場度包一個booth做戀愛專區,揼啲木櫃,請兩個helpers去做,咁一定係貴嘅。但我哋接咗呢個job,online做一個代客告白嘅服務,呢啲就係我哋投入創意嘅效果,低啲嘅成本,一樣可以吸引到傳媒 報道,仲拎到site visit嘅數據。」

初創攻略:

Online搞活動的確係成本低啲,但真係冇offline咁容易接觸到人。難聽啲講句,你畀得起錢做offline宣傳,放個booth喺人流旺嘅地方,一定會有人見到。喺online世界搞活動,雖然話成本低,仲可以因應唔同群組、年紀、喜好去設定廣告受眾,但如果冇gimmick,一樣冇人理。但Eiswein同Vanesse不但經常發揮創意,仲會為客人諗多啲,成功令客人慳到錢又能夠得到曝光機會。而且客戶嘅信任同口碑,亦可以幫助佢哋提升Start PR嘅知名度。

「告白速遞」活動喺online搞,配合4月1日愚人節推出,sell「告白失敗可以當講笑」,成功搏到媒體報道。

網上搜尋:#StartPR #千云工作室 #公關 #創意 #Offline #Online

受訪者簡介:

黃子健Eiswein、黎悅知Vanesse,Start PR共同創辦人
曾於大型公關公司工作的90後Eiswein及Vanesse,了解到傳統公關行業提供嘅服務,唔可以覆蓋到較少資金宣傳嘅中小企。針對呢一班潛在客戶,二人創立咗Start PR千云工作室,將傳統公關捆綁式「套餐」宣傳計劃,拆件變成「點餐式」,每個項目收費都向客戶逐個詳細列明,讓客戶可以根據公司所需同埋budget,自由選擇唔同嘅宣傳範疇。佢哋拍住上創業,好快就見到成績,公司開咗4個月後,就已經有接近90萬嘅營業額。

Share
No Comments

Post a Comment