logo
提供專業網上推廣服務,包括 SEO 搜尋引擎優化、SEM 關鍵字廣告、PPC 點擊付費廣告、社交媒體推廣、電子商貿顧問服務、數碼分析及網站設計等。免費網絡推廣諮詢,立即聯絡我們。

SEO 搜尋引擎優化

SEM|PPC 搜尋|點擊付費廣告

社交媒體推廣

電子商貿服務

網站設計

立即聯絡我們
免費網上推廣諮詢,包括:SEO、SEM、PPC、社交媒體、電子商貿及網站設計等。

+852 5743 0073

香港銅鑼灣怡和街28號恆生銅鑼灣大廈12樓A-B室

星期一至六 09:00 - 18:00

搵明星朋友幫手宣傳 Follower同生意額急增

搵明星朋友幫手宣傳 Follower同生意額急增

要吸引目標顧客,喺Facebook同Instagram落廣告,係最簡單快捷嘅方法,但如果有明星幫你推介一下,吸睛度即時大增。

Little and More中古名牌手袋店店主小米,以前係娛樂記者,佢同一啲明星、藝人熟落,於是諗到搵佢哋幫手宣傳。小米話:「有啲相熟嘅藝人朋友好好,肯幫我拎住個中古名牌手袋影相,再放上去佢哋自己個fb同ig粉絲專頁,有啲仲tag埋我間舖,令舖頭嘅follower即時多咗好多。」其中一位肯幫手嘅明星朋友就係周秀娜,「娜姐啲post一出,真係好多人like、好多人inbox我,問我佢個袋仲有冇得賣,生意亦都因為咁而多咗,同時亦可以增加顧客對我間舖嘅信心。」

除咗靠明星朋友幫助,小米每月都會喺社交平台落廣告,佢話:「每個月平均會用2、3千蚊喺fb或ig落廣告,咁落廣告都有竅門㗎,你可以選擇目標顧客嘅年齡層、性別同地區,透過呢啲選項,你嘅post就會多啲顯示畀你嘅目標顧客睇,對做生意好有幫助。」

門路攻略:

小米舖頭賣嘅中古名牌手袋,全部都喺日本入貨,佢話日本有法例嚴厲打擊賣假貨,所以做代購都要小心選擇入貨地方,了解貨品來源。好多人以為去日本入貨,首要條件係講得一口流利日文,原來唔使㗎!小米話:「而家日本好多中古名牌手袋店舖,都有聘用識講普通話嘅員工,就算好似我咁唔識日文,都唔使擔心溝通問題。」

網上搜尋:#中古名牌手袋 #中古手袋 #vintagebag # vintagechanel #socialmedia

受訪者簡介:

小米,Little and More中古名牌手袋店店主
做咗娛樂記者10年嘅小米,覺得傳媒業前景愈來愈暗淡,於是投資10幾萬開樓上舖,每月飛日本入貨,專賣中古名牌手袋。由於眼光準確,兼有腦諗到配上肩帶,令原本只係一個普通嘅Chanel化妝袋,變成可以孭出街嘅名牌小手袋,吸引愛名牌嘅小資女追捧,開業至今售出過百個,每次返貨都被「秒殺」。

Share
No Comments

Post a Comment