logo
提供專業網上推廣服務,包括 SEO 搜尋引擎優化、SEM 關鍵字廣告、PPC 點擊付費廣告、社交媒體推廣、電子商貿顧問服務、數碼分析及網站設計等。免費網絡推廣諮詢,立即聯絡我們。

SEO 搜尋引擎優化

SEM|PPC 搜尋|點擊付費廣告

社交媒體推廣

電子商貿服務

網站設計

立即聯絡我們
免費網上推廣諮詢,包括:SEO、SEM、PPC、社交媒體、電子商貿及網站設計等。

+852 2603 0600 / 5743 0073

香港銅鑼灣怡和街28號恆生銅鑼灣大廈12樓A-B室

星期一至六 09:00 - 18:00

+852 2603 0600 / 5743 0073

網店節省租金就有得賺?點解仲要開實體店?

網店節省租金就有得賺?點解仲要開實體店?

租金係做生意其中一個主要成本,要減省開支,做網店無疑係方法之一,但唔係樣樣生意都能夠單靠網店成功,好多時係需要實體店嘅輔助,實行線上線下同步發展。

AMOFIA最初係先開網上商店,當時主要係靠擺市集儲落嘅一班客,同埋客人嘅口碑推薦,配合多個傳媒主動邀約訪問,到後來攞到專業臨床認證,令品牌初期嘅生意得以順利發展。AMOFIA創辦人之一Ellen話:「網店做咗一段時間後,我哋覺得呢個品牌可以有更大發展空間,於是諗到如果無實體店,無一個地方可以畀客人試用產品,客人對我哋嘅信心會唔夠,我哋亦好難有進一步嘅發展,所以我哋決定開實體店,面對面向客人介紹我哋嘅產品,加強客人嘅信心。」

事實上,開咗實體店後,生意額係有增長,Ellen話:「始終我哋係一啲功能性嘅護膚產品,好多客人都會想親身睇下、搽下,問下我哋邊啲產品啱佢用,當佢了解過又試用過,覺得啱用,佢之後就可以透過網店或銷售點購買。因為我哋嘅產品真係有助舒緩客人嘅皮膚問題,所以唔少客人都樂意推介畀親朋,客人嘅口碑直接增加咗我哋嘅客源同知名度。」

Ellen話,實體店開喺屯門商廈,一嚟近自己屋企,方便返公司工作,二嚟租金較平,但由於唔少客人話交通唔方便,所以佢哋後來嘗試向一啲超市、網上購物商店同健康生活專門店「敲門」,以寄賣形式合作。而家AMOFIA一系列護膚產品,除咗喺部分醫療診所有售外,喺一田百貨、SECO、ZTORE士多同HKTVmall等都有售,最近仲入埋LOG-ON,擴闊銷售領域,更加方便客人購買。

初創攻略:

一般嚟講,畀小朋友用嘅產品,性質會較溫和,用喺大人身上,功效或會冇咁顯著。Desmond話:「我哋嘅產品最初係針對嬰幼兒,但有好多媽媽或成人顧客,都問我哋『大人係咪都可以用?』所以我哋決定增加研發成人產品,第一個推出嘅成人產品係沐浴系列,喺原有嘅小朋友沐浴產品配方上,加強當中嘅成分,推出後反應都好理想。」而呢啲針對顧客需要、回應顧客需求嘅服務同態度,絕對係一個成功嘅初創品牌必備條件之一。

網上搜尋:
#AMOFIA
#濕疹
#皮膚敏感
#醫生認證
#臨床測試
#網店
#實體店

受訪者簡介:

Desmond & Ellen,AMOFIA創辦人
Desmond同Ellen呢對夫妻拍檔,一個係家族開OEM護膚品廠,一個係註冊護士,因為囡囡有先天濕疹同皮膚敏感問題,做晒各種檢驗、試勻各種舒緩產品都冇用,於是兩夫婦決定「自己阿女自己救」,親自研發護膚品畀囡囡用,情況有好轉之餘仲得到理想口碑。為咗將產品推薦畀更多人,佢哋幾經辛苦,終於攞到專業認證同得到醫生嘅信賴。而家品牌分有小朋友同成年人護膚系列,仲提供「度身訂製」服務,為患有唔同皮膚問題嘅客人,作出針對性嘅舒緩。

Share
No Comments

Post a Comment