logo
提供專業網上推廣服務,包括 SEO 搜尋引擎優化、SEM 關鍵字廣告、PPC 點擊付費廣告、社交媒體推廣、電子商貿顧問服務、數碼分析及網站設計等。免費網絡推廣諮詢,立即聯絡我們。

SEO 搜尋引擎優化

SEM|PPC 搜尋|點擊付費廣告

社交媒體推廣

電子商貿服務

網站設計

立即聯絡我們
免費網上推廣諮詢,包括:SEO、SEM、PPC、社交媒體、電子商貿及網站設計等。

+852 5743 0073 / 3899 4130

info@hkgseo.com

香港銅鑼灣怡和街28號恆生銅鑼灣大廈12樓A-B室

星期一至六 09:00 - 18:00

+852 5743 0073 / 3899 4130

info@hkgseo.com

邀請KOL合作做宣傳 先觀察其粉絲群

邀請KOL合作做宣傳 先觀察其粉絲群

KOL(Key Opinion Leader)簡單解釋就係一啲樂意喺網上分享心得嘅人,佢哋喺網絡世界多少都有啲影響力。近年好多品牌都主動搵不同嘅KOL幫手宣傳,試用試飲試食試玩試住試睇……務求一班KOL試過之後,拍段片、出個post推介一下,但有時就算你畀埋稿費,KOL都未必做到足,無法幫你帶動到生意返嚟。

 

對於同KOL合作,王朝滴雞精(香港)董事經理Patrick就有另一番見解:「我自己覺得用KOL去宣傳產品,有時未必即時有成效,但係對於品牌建立,係一個幾好嘅渠道,可以將口碑傳開同提升產品嘅曝光率。」搵KOL合作,Patrick話唔單止要睇對方點出post,更重要係睇下佢嘅粉絲群。「我哋每次搵KOL都會先硏究佢嘅粉絲群,睇下係咪我哋嘅目標客群,主要重點係要接觸到25至45歲嘅女性同媽媽,因為我哋都想集中喺呢班目標客群身上做宣傳。我哋搵葉翠翠做產品代言人,佢本身係用家,亦係一個好重視健康養生嘅人,正好佢嘅粉絲亦係我哋嘅目標客群,所以當初傾合作都算好順利。」

 

搵KOL幫手,佢哋收費係咪好貴?Patrick話最緊要係搵啱人,「我哋真係每次都篩選過,唔係亂花錢去請好多KOL去一個活動或者買佢哋嘅post。另外,有啲名人朋友因為試過我哋嘅產品,覺得真係唔錯,又肯幫我哋介紹下,呢啲口碑對我哋嚟講都一樣重要。」

 

Patrick亦提到喺社交平台上嘅媽媽群組,「我哋品牌推出市場之後,網上就有一啲媽媽群組出現,係一啲好忠實嘅用家自發去開呢啲群組。佢哋會分享飲過王朝滴雞精後嘅感受,互相分享邊度購買會有優惠,甚至集合訂單同我哋洽談團購優惠。我哋都好開心有佢哋支持,其實群組裡面好多都係最直接嘅目標客群,唔可以忽略嘅。」

 

葉翠翠本身係用家,所以一開始傾談合作做代言人時非常順利。名人明星嘅真實分享,也能夠吸引好多粉絲留意。

Share
No Comments

Post a Comment