logo
提供專業網上推廣服務,包括 SEO 搜尋引擎優化、SEM 關鍵字廣告、PPC 點擊付費廣告、社交媒體推廣、電子商貿顧問服務、數碼分析及網站設計等。免費網絡推廣諮詢,立即聯絡我們。

SEO 搜尋引擎優化

SEM|PPC 搜尋|點擊付費廣告

社交媒體推廣

電子商貿服務

網站設計

立即聯絡我們
免費網上推廣諮詢,包括:SEO、SEM、PPC、社交媒體、電子商貿及網站設計等。

+852 5743 0073

香港銅鑼灣怡和街28號恆生銅鑼灣大廈12樓A-B室

星期一至六 09:00 - 18:00

Online與Offline宣傳互補 客人親身體驗最實際

Online與Offline宣傳互補 客人親身體驗最實際

對好多初創公司嚟講,搞品牌推廣同宣傳最怕事倍功半,MyBASE就揀咗喺Instagram同Facebook呢兩個社交平台推廣品牌。MyBASE共同創辦人Millie話佢哋主要sell嘅係空間,所以廣告嘅文字亦會比較少,大部份以相片為主,有機會都會拍下片。線下就會喺店內貼poster,同埋搞工作坊、職業講座等活動,可以吸引更多人參與和認識MyBASE。

Millie話:「我哋個模式喺香港比較新,好多時都要同客人介紹MyBASE到底係啲咩嘢,話我哋係自修室又唔係太似,話喺咖啡店又唔係。我哋唔想定義自己係咩地方,因為我哋想客人嚟到嘅時候,可以搵到自己嘅空間。」Millie都明白咁樣係難啲去做宣傳,所以最後都總括咗「自修、工作、悠閒、閱讀、活動」5個元素去介紹MyBASE。「市場上有好多唔同形式嘅共享空間,我唔會視佢哋為對手,因為好多共享空間都有自己嘅賣點。喺大家都未清楚咩係共享空間呢個概念嘅時候,有多啲唔同公司去做唔同嘅嘢,反而對客人了解呢個行業有更多幫助。」

初創攻略:

而家online威力強大,好多嘢都集中喺online宣傳,但Millie話其實offline宣傳一樣有用。「有客人純粹係因為想搵個地方溫書而join我哋,但係上嚟溫書時,會見到啲poster介紹店內搞嘅workshop,有興趣就會參加。掉返轉,有一啲喺online見到workshop嘅宣傳,就會上嚟參加活動。佢哋實地見過MyBASE環境之後,覺得適合自己,又會join我哋成為咗會員,線上線下其實係互相有一個宣傳效果。」

宣傳新形式生意係要落啲工夫,唔好盲目認為online宣傳係首選,都要諗下offline 同online點去互補。Offline活動亦唔係咩都做,好似MyBASE咁,主要係兩大類型,包括咗同初創有關嘅講座,同埋文青類型嘅活動如花藝、咖啡工作坊、香水製作等,吸引返MyBASE所針對嘅群客群。

MyBASE會舉辦唔同嘅workshop,客人嚟參加活動時,可以親身睇下店內嘅環境,有機會吸引到佢哋成為MyBASE嘅會員。

Workshop主打手作文青類別,包括製作木製花、香水等,吸引年輕人。

MyBASE亦會舉辦與做生意有關嘅workshop,照顧商務客人。

網上搜尋:#MyBASE #第三空間 #共享空間 #自修 #工作 #O2O #workshop

受訪者簡介:

Millie,MyBASE共同創辦人
Millie喺 2018年1月同另外幾個一樣係90後嘅朋友,合資創立MyBASE多用途共享空間,第一間舖坐落銅鑼灣。有唔同嘅環境空間,包括個人工作間、共享書枱、休閒空間、會議室等,又提供免費WiFi、咖啡、花茶和零食。2018年11月喺旺角開設第二間店,除咗繼續有唔同類型嘅空間,仲新設悠閒區域,又舉辦不同活動和工作坊,開拓共享空間嘅更多可能性。

Share
No Comments

Post a Comment